Poet
partav paḌa jo ariz-e-gulgun-e-yar ka
uTha tanur-e-lala se tufan bahar ka
ham-chashm laala hai jo dil-e-dagh-dar ka
nargis ko ham sa ariza hai intizar ka
likhta hai vasf sho.ala-e-ruḳhsar-e-yar ka
ja-e-varaq ho haath men patta chinar ka
bimar-e-ishq huun lab-o-dandan-e-yar ka
nusḳhe men mere chahiye sharbat anaar ka
rishte ki tarah se dur-e-dandan ka tere zaar
sakin hai kucha-e-guhar-e-ab-dar ka
asar-e-ishq-e-ḳhak se bhi apne hain ayaan
be-vaj.h rang zard nahin hai ghubar ka
har zarra apni ḳhaak ka hai chashm-e-intizar
yarab idhar bhi ho guzar us shahsavar ka
ham asiyon ko ba.ad-e-fana bhi ye ḳhauf hai
taḳhta ulaT na jaa.e zamin-e-mazar ka
kaliyan talak na nikli thiin jab se asiir huun
dekha maza na kuchh chaman-e-rozgar ka
chashman-e-yar karne lagin hain dilon ko said
in ahuon ko shauq hua hai shikar ka
vo dil-jale hain sho.ala-e-javvala ban gaya
uTTha jo gard-e-bad hamare ghubar ka
yad-e-mizha ne bagh-e-dil-e-dagh-dar men
khaTka laga diya ḳhalish-e-nok-e-ḳhar ka
kushta huun ek tark ke tir-e-nigah ka
andaz-e-murgh dil men hai zaḳhmi shikar ka
raḳht-e-safed surat-e-mina-e-mai hai surḳh
kya rang phuuT nikla hai andam-e-yar ka
phulon ki ja pyala ho labrez phuul se
tiija hai mai-kasho ‘qalaq’-e-bada-ḳhvar ka
Leave a Reply