Panw Phir Howenge Aur Dasht-E-Mughilan Hoga

paanv phir hovenge aur dasht-e-mughilan hoga

haath phir hovenge aur apna gareban hoga

dil-e-vahshi tu na kar ishq pareshan hoga

misl aina ke phir shashdar-o-hairan hoga

gar yahi ishq ka aghaz hai to sun lena

laash hovegi miri kucha-e-janan hoga

Duub kar marne ka shauq us se hi puchh ai qatil

jis ne dekha ye tira chah-e-zanakhdan hoga

kahti thi daam men sayyad ke ro kar bulbul

ab kabhi ham ko mayassar na gulistan hoga

jitne duniya men sitam chahe tu kar le mujh par

hashr men haath mira tera gareban hoga

jaan de baithega ik roz tu us par ‘agha’

vo nahin haal ka tere kabhi pursan hoga

Leave a Comment