Osama Khalid
paanv ka dhyan to hai raah ka Dar koi nahin
mujh ko lagta hai mira zad-e-safar koi nahin
ba.az auqat to main ḳhud pe bahut chiḳhta huun
chiḳhta huun ki udhar jaao jidhar koi nahin
sar pe divar ka saaya bhi udasi hai mujhe
zahiran aisi udasi ka asar koi nahin
aḳhiri baar mujhe khinch ke siine se laga
aur phir dekh mujhe maut ka Dar koi nahin
ḳhud-kushi karte samay puchhta huun mera aziiz
aur avaz si aati hai to mira koi nahin
bhari duniya hai sisakne men jhijak hogi tumhen
ye mira dil hai idhar ro lo idhar koi nahin
ek din log mujhe taḳht-nashin dekhenge
ya ye dekhenge mira jism hai sar koi nahin
us ki hijrat baḌa a.asab-shikan saneha thi
shahr to shahar hai jangal men shajar koi nahin
sub.h se raat ki mayusi bhagane ka sabab
koi to hota mire dost magar koi nahin
be-ḳhayali si mujhe god men bhar leti hai
dar pe dastak ho to kah deta huun ghar koi nahin
Leave a Reply