mire marne se tum ko fikr ai dildar kaisi hai
tumhari dil-lagi ko mahfil-e-aghyar kaisi hai
hamare ghar se jaana muskura kar phir ye farmana
tumhen meri qasam dekho miri raftar kaisi hai
vo mujh se puchhte hain ghair se aur tum se kyuun bigḌi
zara ham bhi sunen aapas men ye takrar kaisi hai
ma.az-allah barq-e-husn kis ki ankhen uThne de
tamasha.i nahin vaqif ki shakl-e-yar kaisi hai
‘hasan’ jam-e-mai-e-gul-rang le kar sochte kya ho
agar qimat nahin qimat men ye dastar kaisi hai
Leave a Reply