paani men bhi pyaas ka itna zahr mila hai
honTon par aate har qatra suukh raha hai
andhe ho kar badal bhage phirte hain
gaate gaate ek parinda aag hua hai
phuul aur phal to taaza konpal par aate hain
piila patta is vahshat men TuuT raha hai
gardish gardish chalne se hi kaT pa.ega
charon janib ek safar ka jaal bichha hai
usi peḌ ke niche dafn bhi hona hoga
jis ki jaḌ par main ne apna naam likha hai
Leave a Reply