Panch Din Ko Jo Yahan Par Aa Gaya

Poet

panch din ko jo yahan par aa gaya

misl-e-gul do roz men kumhla gaya

zindagi phusla ke le aa.i mujhe

kaun zalim us jagah bahla gaya

kyuun chhuTa kar ek adam ke aish ko

dusra koi adam dikhla gaya

hasti-e-mauhum par jo ghaur ki

dosto be-tarah ji ghabra gaya

peshtar marne se marna ḳhuub hai

jo ki ye samjhao vahi kuchh pa gaya

aah is dil ne na maani ek baat

naseha sau tarah se samjha gaya

”ahl-e-duniya kafiran-e-mutlaq-and”

masnavi-e-rum ye farma gaya

zaq-zaq-o-baq-baq ko ab tu chhoḌ de

tiflagi barna ka sab jhagḌa gaya

sheb aaya ab to ‘afridi’ samajh

kya bharosa dam ka hai aaya gaya

kuchh khila le kha le le jaana nahin

jo gaya hai yaan se so tanha gaya

kaun hai vo faqir-o-badshah

jo kaf-e-afsos nahin malta gaya

hasrat-o-ranj-o-alam gham ke siva

koi yaan se vaan ke ta.iin le kya gaya

‘afridi’ yaan sada rahna nahin

jo gaya hai vo yahi kahta gaya