Nihal Sevharvi
garmi-e-ishq ke baghair lutf-e-hayat ra.egan
ishq hai zindagi ka ruup ishq se zindagi javan
haa.e vo chand sa.aten guzrin jo tere qurb men
rashk se dekhti rahi jin ko hayat-e-javedan
uf-ri manazil-e-buland tere harim-e-naz ki
pa-e-talab ko kitne tai karne paḌe hain asman
barq ki dastaras se duur asr-e-nau ke ai tuyur
aur buland ashiyan aur buland ashiyan
garm husul ju-e-shir haan yunhi mard-e-tesha-gir
tesha-zani hai dahr men asl hayat-e-kamran
mohtasib-e-sharab to bazm-e-jahan men hain bahut
ye bhi kaho ki hai koi mohtasib-e-gham-e-nihan
jazba-e-himmat ai ‘nihal’ jab ho mira sharik-e-hal
mere labon pe aa.e kyuun shikva-e-gardish-e-zaman
Leave a Reply