Wahshat Raza Ali Kalkatvi
paiman-e-vafa-e-yar hain ham
yaani na-pa.edar hain ham
ḳhak-e-sar-e-rahguzar hain ham
pamal-e-jafa-e-yar hain ham
naumidi o yaas chaar su hai
uf kis ke ummid-var hain ham
kis dushman-e-jan ki aarzu hai
jo maut ke ḳhvast-gar hain ham
tu ham se hai bad-guman sad afsos
tere hi to jan-nisar hain ham
‘vahshat’ ḳhamosh jal rahe hain
goya sham-e-mazar hain ham
Leave a Reply