Poet
pahle mujh par bahut fida hona
us ki chahat ka phir fana hona
ye bhi baḳhiye udheḌ deti hai
us ko halka na le hava hona
ḳhud ko mahrum-e-raushni rakh kar
kitna mushkil hai ik diya hona
is suhulat se zindagi kaaTi
mujh ko aaya na parsa hona
tu miri mushkilat kya samjhe
tujh ko aata hai bas ḳhuda hona
meri tartib se rahi nalan
ziist ko aa gaya ḳhafa hona
us ke jivan men aa gaya koi
kha gaya mujh ko dusra hona
Leave a Reply