pahle jo ham chale to faqat yaar tak chale
phir fan se le ke hujra-e-fankar tak chale
but-ḳhana-e-jahan se inkar hai mujhe
lekin vo kya hue the jo inkar tak chale
mahv-e-ḳhayal teri tajalli men kya hue
muusa bhi koh-e-tur ke asrar tak chale
ramz-e-ḳhuda ki ramz bhari raushni miyan
main chahta to huun mire kirdar tak chale
kuchh rabt husn-e-yar ki taza-gari se ho
ankhon se ho ke silsila iz.har tak chale
karbal ki ḳhaak se jo miri ḳhaak ja mile
phir ḳhaak meri markaz-e-anvar tak chale
yadon se bach nikalne ka rasta nahin mila
masjid se le ke husn ke bazar tak chale
Leave a Reply