paḌh chuke hain nisab-e-tanha.i
ab likhenge kitab-e-tanha.i
vasl ki shab tamam hote hi
aa gaya aftab-e-tanha.i
ḳhamushi vahshaten udasi hai
khil rahe hain gulab-e-tanha.i
us ki yadon ke ghar men jaate hi
khul gaya ham pe bab-e-tanha.i
vasl ki shab tumhare pahlu men
le raha huun savab-e-tanha.i
kis ko batla.en kaun samjhega
kaise jhele azab-e-tanha.i
doston se gurez karta huun
ho raha huun ḳharab-e-tanha.i
Leave a Reply