nit ji hi ji men ishq ke sadme uthaiyo
shikve ki baat munh pe ‘havas’ tum na laiyo
shauq in dinon hua hai use dastan ka
yaaro koi miri bhi kahani sunaiyo
rahne de meri khaak tu us dar pe ai saba
musht-e-ghubar-e-khasta-dilan mat uthaiyo
ji ko yaqin hai hashr men dhundunga main tujhe
zalim vahan tu mujh se na mukhda chupaiyo
is men ziyan hai jaan ka sunta hai ai ‘havas’
zinhar bar-e-ishq na sar par uthaiyo