hai aur nahin ka a.ina mujh ko thama diya gaya
ya.ani mire vajud ko khel bana diya gaya
mera saval tha ki main kaun huun aur javab men
mujh ko hansa diya gaya mujh ko rula diya gaya
mere junun ko thi bahut ḳhvahish-e-sair-o-justuju
mujh ko mujhi se bandh kar mujh men biTha diya gaya
main ne kaha ki zindagi dard diya gaya mujhe
main ne kaha ki agahi zahr pila diya gaya
ḳhvab tha mera ishq bhi ḳhvab tha tera husn bhi
ḳhvab men ya.ani ek aur ḳhvab dikha diya gaya
Leave a Reply