Athar Shakeel
mutma.in ho ke marne ka saman kar
zindagi ai ḳhuda mujh pe asan kar
sirf rasmi ta.aruf hi kaafi nahin
mere nazdik aa meri pahchan kar
rasm hai sajda-rezi to kuchh bhi nahin
qalb ko pahle apne musalman kar
abr ki oT men chand kab ka chhupa
ab na chehre pe zulfen pareshan kar
maut to aa.egi be-talab aa.egi
zindagi hai to jiine ka arman kar
us se mil kar main kahta to kaise ‘shakil’
mujh ko ghar apne ik roz mehman kar
Leave a Reply