Nind Bhi Tere Bina Ab to Saza Lagti Hai

niiñd bhī tere binā ab to sazā lagtī hai

chauñk paḌtā huuñ agar aañkh zarā lagtī hai

fāsla qurb banā qurb bhī aisā ki mujhe

dil kī dhaḌkan tire qadmoñ kī sadā lagtī hai

dushman-e-jāñ hī sahī dost samajhtā huuñ use

bad-duā jis kī mujhe ban ke duā lagtī hai

ḳhud agar naam luuñ terā to laraztā hai badan

ġhair gar baat kare choT sivā lagtī hai

aise mahbas meñ janm apnā huā hai ki mujhe

har darīche se baḌī sard havā lagtī hai

tanz-āmez nahīñ hai mirā andāz-e-suḳhan

talḳh be-shak hai magar baat judā lagtī hai

Leave a Comment