nigah-e-shauq se kab tak muqabla karte
vo iltifat na karte to aur kya karte
ye rasm-e-tark-e-mohabbat bhi ham ada karte
tere baghair magar zindagi ko kya karte
ghurur-e-husn ko manus-e-iltija karte
vo ham nahin ki jo ḳhud-dariyan fana karte
kisi ki yaad ne taḌpa diya phir aa ke hamen
hui thi der na kuchh dil se mashvara karte
ye puchho husn ko ilzam dene valon se
jo vo sitam bhi na karta to aap kya karte
sitam-shi.ar azal se hai husn ki fitrat
jo main vafa bhi na karta to vo jafa karte
hamen to apni tabahi ki daad bhi na mili
tiri navazish-e-beja ka kya gila karte
nigah-e-naz ki masumiyat are tauba
jo ham fareb na khate to aur kya karte
nigah-e-lutf ki taskin ka shukriya lekin
mata-e-dard ko kis dil se ham juda karte
Leave a Reply