ahmad-rahi

Nazm

bahut zaruri baat ik tum se karna thi

lekin tum ko jaldi bahut thi jaane ki

kahna ye tha ham to mashriq maghrib hain

mere haan to koi drawing-rōm nahin

koi baira na koi batlar na koi maman-shaman

koi garage na koi car koi driver na khansaman

ek hi kamra hai jo meri study bhi hai bedrōm bhi hai aur

drawing-rōm bhi mera

main ik kamre men rahta huun

apne andar rahta huun

apne andar rah kar bhi main ik duniya men rahta huun

jabhi kaha tha ham to mashriq maghrib hain

mashriq maghrib men jo farq hai

ye vo ghulam hi janen

do Dhaai sau saal ghulami ki jo bediyan

katte katte qabron men ja soe

haae allah un jaisa bad-qismat koi aur yahan

na hue

achchha kiya tum chali gaiin

meri baton men kuchh talkhi aa gai hai

tere aaba ne mere aaba par jo zulm kiya hai

vo to meri maan ke duudh ne mujhe virasat

men bakhsha hai

More Poems

Leave a Comment