allama-iqbal

Agar Kaj-Rau Hain Anjum Aasman Tera Hai Ya Mera

agar kaj-rau hain anjum asman tera hai ya mera

mujhe fikr-e-jahan kyuun ho jahan tera hai ya mera

agar hangama-ha-e-shauq se hai la-makan khali

khata kis ki hai ya rab la-makan tera hai ya mera

use subh-e-azal inkar ki jurat hui kyunkar

mujhe malum kya vo raz-dan tera hai ya mera

mohammad bhi tira jibril bhi quran bhi tera

magar ye harf-e-shirin tarjuman tera hai ya mera

isi kaukab ki tabani se hai tera jahan raushan

zaval-e-adam-e-khaki ziyan tera hai ya mera

More Poems

Leave a Comment