nazar-navaz nazaron ki yaad aati hai
shikasta dil ke saharon ki yaad aati hai
kabhi nigah-e-mohabbat ne jis ko chheḌa tha
ab un rabab ke taron ki yaad aati hai
nigah paḌti hai jab bhi kisi shagufe par
tumhare saath baharon ki yaad aati hai
jo mil ke chhuT ga.e zindagi ki rahon men
ab un hasin saharon ki yaad aati hai
machalti arzuon ke jilau men ai ‘shaukat’
sulagti rah-guzaron ki yaad aati hai
Leave a Reply