abdul-mannan-samadi

Nazar Ki Wusaton Mein Kul Jahan Tha

nazar ki vusaton men kul jahan tha

zamin se duur kitna asman tha

miri kashti bhanvar men Duub jaati

hava ki mad pe lekin badban tha

main us ki harf-giri kar na paaya

vo meri zindagi ka razdan tha

tujhe pa kar tujhe khoya hai ham ne

yahi to zindagi ka imtihan tha

vahi gum ho gaya raste men shayad

jo rahbar tha jo mir-e-karvan tha

More Poems

Leave a Comment