Nazar Kar Tez Hai Taqdir miTTi Ki Ki Patthar Ki

Rasheed Lakhnavi

nazar kar tez hai taqdir miTTi ki ki patthar ki

buton ko dekh hain tasvir miTTi ki ki patthar ki

kiya tu ne buton ko sajda aadam ko farishton ne

barahman hai siva tauqir miTTi ki ki patthar ki

main putla saḳht-jani ka huun ya gard-e-kudurat ka

nahin ma.alum huun tasvir miTTi ki ki patthar ki

ghamon par ḳhaak Dalon main ki rokun josh-e-vahshat ko

taraddud hai karun tadbir miTTi ki ki patthar ki