nayab chiiz kaun si bazar men nahin
lekin main un ke chand ḳharidar men nahin
chhu kar bulandiyon ko palaTna hai ab mujhe
khane ko mere ghaas bhi kohsar men nahin
aata tha jis ko dekh ke tasvir ka ḳhayal
ab to vo kiil bhi miri divar men nahin
irfan-o-agahi ki ye ham kis hava men hain
jumbish tak us ke parda-e-asrar men nahin
ugla sa mujh men shauq-e-shahadat nahin agar
pahli si kaaT bhi tiri talvar men nahin
Leave a Reply