naya shagufa ishara-e-yar par khila hai
gulab ab ke chaman ki divar par khila hai
ye kaisi angḌa.i li hai ehsas-e-zindagi ne
masih ka rang ru-e-bimar par khila hai
nafi ka jaadu jaga rahi hain tilismi ankhen
vo harf-e-matlab fasil-e-izhar par khila hai
kitab-e-ruḳh hai hijab-e-taqdis-e-husn-e-janan
ye raaz kaisa mazaq-e-didar par khila hai
bahar-agin hayat-afroz phuul ban kar
lahu ka chhinTa qaba-e-isar par khila hai
mujhe banaya gaya tha ḳhamoshiyon ka paikar
ye ghuncha-e-lab kisi ke israr par khila hai
‘saba’ ka zauq-e-suḳhan nigar-e-ghazal ke haq men
vo kaala til hai jo gore ruḳhsar par khila hai
Leave a Reply