Pandit Jagmohan Nath Raina Shauq
nau-giraftar-e-mohabbat kabhi azad na ho
qaid men qaid rahe qaid ki mi.ad na ho
main to ḳhamosh rahun hijr men Dar hai lekin
dard uTh kar kahin amada-e-fariyad na ho
tum men pinhan hain mohabbat ke hazaron jalve
ai miri ḳhaak ke zarro kahin barbad na ho
kuchh hain bikhre hue par kunj-e-qafas ke bahar
ḳhauf hai aur bhi rusva kahin sayyad na ho
phuuT kar kis ke ye rone ki sada aati hai
dard-e-ulfat kahin mera dil-e-nashad na ho
dil ki iza-talabi puchh luun kya kahti hai
Thahro Thahro abhi dam-bhar koi bedad na ho
‘shauq’ kar duun jo bayan kavish-e-gham ki halat
apna qissa bhi kam-az qissa-e-farhad na ho
Leave a Reply