Dil Ayubi
naqd-e-dil hai ki gareban ke har taar men hai
hausla ab bhi bahut tere ḳharidar men hai
yaan koi sho.ala-ba-jan aur bhi Thahra hoga
kis qayamat ki tapish saya-e-divar men hai
kitna milta hai mire qalb ki kaifiyyat se
ye jo hangama tire kucha-o-bazar men hai
zaḳhm ehsas ko jo zahr hara hi rakkhe
tegh-e-ahan men nahin baat ki talvar men hai
saare gulshan ko jalane ke liye kaafi hai
ek sho.ala jo dil murgh-e-giraftar men hai
zamin nashv-o-numa-e-gul-e-tar hai ai ‘dil’
dard-mandi ki ḳhalish si jo dil-e-ḳhar men hai
Leave a Reply