Mohammad Izhar Ul Haq
namak in ansuon men kam na tha par nam bahut achchha
gharon men dana-e-gandum na tha matam bahut tha
miri ankhon pe bhi zartar parde jhulte the
tire balon men bhi kuchh in dinon resham bahut tha
maze saare tamasha-gah-e-duniya men uTha.e
magar ik baat jo dil men thi jis ka gham bahut tha
siyahi raat ki pichhe samundar din ka aage
sitara sub.h ka meri tarah maddham bahut tha
badalte ja rahe the jism apni hai.aten bhi
ki rasta tang tha aur yuun ki us men ḳham bahut tha
Leave a Reply