naam ‘akbar’ to mira maan ki dua ne rakkha
haan bharam us ka magar mere ḳhuda ne rakkha
vo bhi din tha ki tire aane ka paigham aaya
tab mire ghar men qadam bad-e-saba ne rakkha
kis tarah logon ne mangin thiin duaen us ki
kuchh lihaz is ka na be-mehr hava ne rakkha
aise halat men ik roz na ji sakte the
ham ko zinda tire paiman-e-vafa ne rakkha
ittifaqat ke pichhe bhi hain asbab-o-ilal
ik na ik apna sabab dast-e-qaza ne rakkha
jis ne rakkha tiri miTti hui qadron ka lihaz
kuchh ḳhayal is ka nahin tu ne zamane rakkha
sirf ‘akbar’ hi nahin dekh ke tasvir hua
sab ko hairan tire naqsh-e-kaf-e-pa ne rakkha
Leave a Reply