ishq se paida nava-e-zindagi men zer-o-bam
ishq se mitti ki tasviron men soz-e-dam-ba-dam
aadmi ke reshe reshe men sama jaata hai ishq
shakh-e-gul men jis tarah bad-e-sahar-gahi ka nam
apne raziq ko na pahchane to muhtaj-e-muluk
aur pahchane to hain tere gada daara o jam
dil ki azadi shahanshahi shikam saman-e-maut
faisla tera tire hathon men hai dil ya shikam
ai musalman apne dil se puchh mulla se na puchh
ho gaya allah ke bandon se kyuun khali haram
Leave a Reply