Nam Aankhon Mein Kya Kar Lega Ghussa Dekhenge

nam āñkhoñ meñ kyā kar legā ġhussa dekheñge

os ke uupar chiñgārī kā lahja dekheñge

shīshe ke bāzār se le ā.eñge kuchh chehre

vahī pahan kar ham ghar kā bhī shīsha dekheñge

kitnī duur talak jā.egī zabt kī ye kashtī

kitnā gahrā hai is dard kā dariyā dekheñge

dariyā ke pīchhe pīchhe ham sahrā tak aa.e

kis manzil ko le jaa.e ab sahrā dekheñge

rūThne vaalī ḳhat paḌh kar fauran hī lauT aa.iiñ

ham ne likhā thā sale lagī hai kapḌā dekheñge

kuchh din meñ dil kā kho jaanā bilkul mumkin hai

kahtā hai ham baḌe hue ab duniyā dekheñge

Leave a Comment