nairangi-e-bahar-o-ḳhizan dekhte rahe
hairat se ham tilism-e-jahan dekhte rahe
pesh-e-nazar jahan ke rahi rahmat-e-ḳhuda
ham barhami-e-husn-e-butan dekhte rahe
har gul hamari aql pe hansta raha magar
ham fasl-e-gul men rang-e-ḳhizan dekhte rahe
arz-e-niyaz-e-shauq ki achchhi mili ye daad
hans kar vo mere ashk-e-ravan dekhte rahe
tai kar gaya junun mira ik jast men unhen
hairat se mujh ko kaun-o-makan dekhte rahe
Leave a Reply