Poet
na.i hayat naya saaz de raha huun main
dil-e-shikasta ko avaz de raha huun main
hai faḳhr ye ki miri zindagi hai ijz-o-niyaz
ghurur ye ki tumhen naaz de raha huun main
tiri hasin jafaon se le ke dars-e-vafa
junun ko kuchh na.e andaz de raha huun main
ye kis maqam pe le aa.i be-ḳhudi ki tumhen
ḳhud apne naam se avaz de raha huun main
kaTe hue jo par-o-bal hain unhen ‘nashtar’
nazar se quvvat-e-parvaz de raha huun main
Leave a Reply