nai hava men koi rang-e-kaenat men gum
hua hai saara zamana tasannuat men gum
gale ka haar kahin ban na jaae mahrumi
na hona bhuul ke husn-e-takallufat men gum
kisi bhi shakhs pe us ko taras nahin aata
amir-e-shahr hua hai ye kin sifat men gum
har ek gul ko miri dastaras se duur kiya
miri nazar hai adu ki navazishat men gum
bashar bashar ne muqaffal kiya hai bab-e-amal
har ek zehn hua kaisi nafsiyat men gum
kahin bhi rah-numa ab nazar nahin aata
main kya bataun ki huun kaun si jihat men gum
husul-e-ilm mira muddaa hai ai ‘abrar’
isi liye huun kitabon men aur lughat men gum
Leave a Reply