nai ghazal ka nai fikr-o-agagi ka varaq
zamana khol raha hai sukhanvari ka varaq
mohabbaton ke hasin baab se zara aage
kitab-e-zist men milta hai gumrahi ka varaq
sunahri saaten mansub hain tire gham se
palat ke dekh zara meri zindagi ka varaq
kitab vaqt ki andhi men khul gai shayad
hava men ud gaya derina dosti ka varaq
tilavaton men hain masruf tairan-e-sahar
ufuq ne khola hai kirnon ki raushni ka varaq
mile hain aaj sukhan mere sab khaton ke javab
jo mere haath laga us ki diary ka varaq
Leave a Reply