Afzal Khan
nahin tha dhyan koi todte hue cigarette
main tujh ko bhuul gaya chhodte hue cigarette
so yuun hua ki pareshaniyon men piine lage
gham-e-hayat se munh modte hue cigarette
mushabah kitne hain ham sokhta-jabinon se
kisi sutun se sar phodte hue cigarette
kal ik malang ko kuude ke dher par la kar
nashe ne tod diya jodte hue cigarette
hamare saans bhi le kar na bach sake ‘afzal’
ye khak-dan men dam todte hue cigarette
Leave a Reply