nahin ki dasht ko hijrat ziyada mushkil hai
gharon men is se bhi vahshat ziyada mushkil hai
natija aḳhz kiya pai-ba-pai shikaston se
ki dushmani se mohabbat ziyada mushkil hai
agarche taḳht-nashini bhi koi sahl nahin
magar dilon pe hukumat ziyada mushkil hai
hayat kaTne valon ko ye nahin ma.alum
ki is se agli masafat ziyada mushkil hai
‘aqil’ Daale the hathiyar sab se aḳhir men
hamare saath ri.ayat ziyada mushkil hai
Leave a Reply