Poet
naghma ke soz se ayaan dil ka gudaz ho gaya
laakh chhupaya jazb-e-ishq faash ye raaz ho gaya
bazm men mushtahar hui meri hadis-e-arzu
shola-e-jan bhaḌak uTha naghma-e-saz ho gaya
faash na kar saka koi raaz tire vajud ka
faash mujhe jo kar diya faash ye raaz ho gaya
banda-e-be-nava baḌhe jinn-o-malak se tha ajab
lutf-e-karim ka magar zarra-navaz ho gaya
mere gunahon se siva rahmaten hain tiri karim
laakh ḳhataon par bhi tu banda-navaz ho gaya
farhat-e-bandagi mili tabish-e-zindagi mili
dil se jo ek baar main mahv-e-namaz ho gaya
‘taj’ niyaz-e-ashiqi raz-e-numud-e-husn hai
jis pe ye raaz khul gaya ḳhud hi vo raaz ho gaya
Leave a Reply