Abbas Tabish
na tujh se hai na gila asman se hoga
tiri judai ka jhagda jahan se hoga
tumhare mere taalluq ka log puchhte hain
ki jaise faisla mere bayan se hoga
agar yunhi mujhe rakkha gaya akele men
baramad aur koi us makan se hoga
judai tai thi magar ye kabhi na socha tha
ki tu juda bhi judagana shaan se hoga
guzar rahe hain mire din isi tafakhur men
ki agla qais mire khandan se hoga
Leave a Reply