na to aghaz na anjam pe rona aaya
apni diqqat ki har ik shaam pe rona aaya
ahl-e-mahfil ko hui sham.a ke jalne ki ḳhushi
mujh ko parvane ke anjam pe rona aaya
dil se ubhra to nigahon ke dariche se gira
ashk bante hue har jaam pe rona aaya
vaqt-e-ruḳhsat jo nigahon ne tiri mujh ko diya
yas-o-ummid ke paigham pe rona aaya
ham gharibon ki bhala sub.h kahan shaam kahan
sub.h par ashk bahe shaam pe rona aaya
meri taqdir men dar dar ka bhaTakna tha ‘kanval’
husn-e-aghaz ke anjam pe rona aaya
Leave a Reply