na samjhe dil fareb-e-arzu ko
na ham chhoden tumhari justuju ko
tiri talvar se ai shah-e-khuban
mohabbat ho gai hai har gulu ko
vo munkir ho nahin sakta fusun ka
suna ho jis ne teri guftugu ko
taghaful is ko kahte hain ki us ne
mujhe dekha na mahfil men udu ko
nahin paani to mai-khane men ai shaikh
jo kuchh maujud hai laun vazu ko
samajhta hi nahin hai kuchh vo bad-khu
na khud mujh ko na meri aarzu ko
na bhula ghar ke aada men bhi ‘hasrat’
tire farmuda-e-la-taqnatu ko
Leave a Reply