Na Rasta Na Koi Dagar Hai Yahan

na rasta na koī Dagar hai yahāñ

magar sab kī qismat safar hai yahāñ

sunā.ī na degī diloñ kī sadā

dimāġhoñ meñ vo shor-o-shar hai yahāñ

havāoñ kī uñglī pakaḌ kar chalo

vasīla yahī mo’tabar hai yahāñ

na is shahr-e-be-his ko sahrā kaho

suno ik hamārā bhī ghar hai yahāñ

palak bhī jhapakte ho ‘maḳhmūr’ kyuuñ

tamāshā bahut muḳhtasar hai yahāñ

Leave a Comment