Ahmad Jahangeer
khushk roti todni hai sard paani chahiye
kya kisi girje ki kundi khatkhatani chahiye
ai samaat us faza men aaj bhi maujud hai
haan nava-e-naghma-e-kun tujh ko aani chahiye
kahina ham se rivayat ka mukammal matn sun
batn men jalti hui sham-e-maani chahiye
sabiqa naqshe pe taaza saltanat ijad ho
asman niila banana ghaas dhani chahiye
gum-shuda suraj ko rota hai mira yaum-e-saped
surmai shab ko charagh-e-an-jahani chahiye
husn ke gaare men ab-e-ishq ki chhinten mila
champai rangat men atish sansanani chahiye
jism ki gosha-nashini aur kitne roz hai
banda-e-rabb-e-ali ko la-makani chahiye
Leave a Reply