na main hi tanha tha na meri rahguzar tanha
sharik-e-rah rahe tum magar safar tanha
hisar-e-rang se bahar sabhi nikal aa.e
ulajh ke rah ga.i ik meri hi nazar tanha
bahut qarib hai ki tum se guftugu bhi ho
dayar-e-fikr men aate rahe agar tanha
huruf hi ki tarah TuTte bikharte rahe
kitab paḌhte rahe ham jo raat bhar tanha
ajiib tarz-e-riha.ish hai ai ‘asad’ us ki
bahut dinon se mire saath hai magar tanha
Leave a Reply