Poet
na khvahish hai gadai ki na hai arman shahi ka
ilahi ishq de bande ko mahbub-e-ilahi ka
agar rakkhe tire kuche ki sarhad se qadam bahar
guman phir khizr par le jaaen ham gum-karda raahi ka
yahan to dagh-e-khun daman se dhoya tu ne ai hamil
vahan ik din khilega gul hamari be-gunahi ka
bahut ashiq to maqtul-e-nigah-o-ghamza hain lekin
ye tera nim-jan bismil hai teri kam-nigahi ka
ghulami ‘khusrav’-e-dehli ki hai ‘maruf’ fakhr apna
ki ham ashiq hai ham maashuq mahbub-e-ilahi ka
Leave a Reply