Amit Sharma Meet
na jaane kaun si ghaflat men huun main
ajab se dard ki shiddat men huun main
chalo phir kal milunga yaar tum se
abhi to ishq ki mayyat men huun main
dikha tha ḳhvab men rota hua dil
kahun kya ab talak dahshat men huun main
mujhe tum DhunDhte phirte kahan ho
tumhare pyaar ki lazzat men huun main
hamen bichhḌe to ik arsa hua par
suna hai aaj tak aadat men huun main
kisi jaadu ya Tone ka asar hai
suno kuchh roz se diqqat men huun main
tumhen kuchh ‘mit’ se kahna hai shayad
chale aao abhi fursat men huun main
Leave a Reply