na ham ab yaad men us ki kabhi aansu baha.enge
na us ke chhoḌ jaane par kabhi ḳhud ko rula.enge
hamen bhi ruuTh jaane ka hunar to ḳhuub aata hai
agar vo had se baḌh kar jan-e-jan ham ko sata.enge
hamen kab zeb deta hai ki aansu un ko dikhla.en
ham apni dastan-e-gham unhen hans kar suna.enge
andheron se vo Darte hain hamen ma.alum hai ye bhi
diye ham raste men un ke har shab ko jala.enge
dua ham roz karte hain ‘dua’ par hai yaqin ham ko
hamen kamil yaqin hai lauT kar ik din vo a.enge
Leave a Reply