Shan Bharti
na ho jab ḳhuun to dil kyon jigar kyon
ilahi ḳhushk nadiyon men bhanvar kyon
jo parde men bhi tujh ko dekhta tha
hua madum vo husn-e-nazar kyon
vo harf-e-shauq jo kal mo’atabar tha
vahi ab ho gaya na-mo’tabar kyon
nahin manzil ka jab koi bharosa
abhi tak mo’atabar hai rahguzar kyon
mizaj-e-‘shan’ to shabnam-sifat hai
kiye jaata hai sho.alon par safar kyon
Leave a Reply