Cba Fb A Dddba
vna ham-nava mire zauq-e-ḳhiram ka nikla
ye rasta bhi usi narm-gam ka nikla
na.e gulon ki sada-e-shaguft tez hui
hava ke lams se rishta kalam ka nikla
musavviri na sahi kaam aa.i be-hunari
koi bahana to un se salam ka nikla
talash-e-rizq men nikle the mahr-e-sub.h liye
aqab se pahla sitara bhi shaam ka nikla
yahan bhi dhuup chali aa.i be-ḳhayali ki
ye sa.eban-e-tasavvur na kaam ka nikla
musahibon ki tarah har qadam pe ḳhaar mile
mira safar to baḌe ehtimam ka nikla
vahi shajar vahi patte vahi hava vahi aag
kalam-e-nau bhi mira rang-e-am ka nikla
Leave a Reply