na gire kahin na hare hue ka.i saal se
yunhi ḳhushk paat juḌe rahe tiri Daal se
koi lams tha jo sarapa aankh bana raha
koi phuul jhankta rah gaya kisi shaal se
tiri ka.enat se kuchh ziyada talab nahin
faqat ek moti hi motiyon bhare thaal se
tu vo sahira ki tilism tera uruuj par
main vo aag huun jo bujhegi tere zaval se
tire mausamon ke taghayyurat ajiib hain
main qaba banane laga huun peḌ ki chhal se
Leave a Reply