Na Bewafai Ka Dar Tha Na Gham Judai Ka

na bevafai ka Dar tha na gham judai ka

maza men kya kahun aghaz-e-ashnai ka

kahan nahin hai tamasha tiri khudai ka

magar jo dekhne de roab kibriyai ka

vo na-tavan huun agar nabz ko hui jumbish

to saaf jod juda ho gaya kalai ka

shab-e-visal bahut kam hai asman se kaho

ki jod de koi tukda shab-e-judai ka

ye josh-e-husn se tang aai hai qaba in ki

ki band band hai khvahan girah-kushai ka

kaman haath se rakh said-gah-e-irfan men

ki tiir said hai yaan dam-e-na-rasai ka

vo bad-nasib huun yaar aae mere ghar to bane

simat ke vasl ki shab til rukh-e-judai ka

hazaron kafir o momin pade hain sajde men

buton ke ghar men bhi saman hai khudai ka

tamam ho gae ham pahle hi nigah men haif

na raat vasl ki dekhi na din judai ka

nahin hai mohr lifafa pe khat ke ai qasid

ye daagh hai miri qismat ki na-rasai ka

naqab Daal ke ai aftab-e-hashr nikal

khuda se Dar ye kahin din hai khud-numai ka

nahin qarar ghadi bhar kisi ke pahlu men

ye zauq hai tire navak ko dilrubai ka

mari taraf se koi ja ke kohkan se kahe

nahin nahin ye mahal zor-azmai ka

kaha jo main ne ki main khak-e-rah huun tera

to bole hai abhi pindar khud-numai ka

junun jo meri taraf ho vo jast-o-khez karun

ki dil ho tuut ke tukde shikasta-pai ka

‘amir’ ravayye apne nasib ko aisa

ki ho saped siyah abr na-rasai ka

Leave a Comment