Bashir Mehtaab
na aane ke un ke bahane bhi dekhe
baḌe sang-dil vo zamane bhi dekhe
udhar bulbulen ro rahi hain qafas ko
ki sayyad gaate tarane bhi dekhe
ghamon ko bhulane jo nikle hain ghar se
isi dhun men kuchh bada-ḳhane bhi dekhe
na paaya unhen ho ke mayus lauTe
sabhi ham ne un ke Thikane bhi dekhe
kabhi aa.ega vaqt ‘mahtab’ apna
bahut ham ne un ke zamane bhi dekhe
Leave a Reply